शिवसैनिकांची निदर्शने

पालघरचे फेसबुक कमेंट प्रकरण थंड होण्याचे काही नाव घेत नाहीये . याप्रकरणात राज्य शासनाने ठाणे ग्रामीण एसपी व पालघरच्या इन्स्पेक्टरना निलंबित केल्यानंतर पोलिसांमधून याबाबत नाराजी व्यक्त करण्यात येत आहे .

तर या दोघांवरील निलंबनाची कारवाई रद्द करावी या मागणीसाठी तसेच सरकारच्या निषेधार्थ शिवसैनिकांनी भाईंदर येथे शुक्रवारी निदर्शन केली . तसेच १० डिसेंबरपर्यंत दोघांचे निलंबन रद्द केले नाही तर हिवाळी अधिवेशनात हा प्रश्न लावून धरणार असल्याचे शिवसेना आमदार प्रताप सरनाईक यांनी सांगितले .

पालिकेत विशेष महासभा सुरू असल्याने तिथे बसलेले शिवसेनेचे काही नगरसेवक पालिका मुख्यालयासमोरच सुरू असलेल्या शिवसेनेच्या निदर्शनाकडे न फिरकल्याने आ . सरनाईक यांनी तीव्र नाराजी व्यक्त केली .